Ikastaro honek neguan goza daitekeen mendiaren mundu liluragarrirako sarrera emanen dizu. Ingurunea, erabiltzen den materiala eta igoerarako nahiz segurtasunerako oinarrizko teknikak ezagutuko ditugu. Goi mendiko neguko igoerak egiteko beharrezko ezagutzak lortuko dituzu. Hala, mendiko irteera bat prestatzerakoan atzera egitera behartzen gaituzten zailtasun txiki horiek gainditzeko gai izanen zara.
Helburuak
Erabiltzen den materiala ezagutzea eta neguko ekintza errazak/nahiko errazak segurtasunez eta autonomiaz egitea.
Edukiak
Irteeren planifikazioa, igoera kranpoi eta pioletarekin, autogeldiketak, korapiloak, nibologia, soka-taldea, rapela, ainguraketa elurretan.
Beharrezko materiala
30-40 litroko motxila, goi-mendiko botak eta horietarako kranpoi egokiak, piolet klasikoa, kaskoa, 3 HMS mosketoi, arnesa, polainak, neguko ekintzarako arropa egokia, eskularruak, txanoa, betaurrekoak, krema babesgarria, egun bakoitzerako janari eta ura.
Bete beharreko baldintzak
Ez da beharrezkoa esperientzia izatea. Hala ere, gomendagarria da mendian ibiltzeko ohitura izatea. 18 urtetik gorakoa izatea edo dagokion baimena izatea.
Ikastaroak barne hartzen du
Tituludun teknikoa, istripu-asegurua, erantzukizun zibilaren asegurua, taldearentzako material teknikoa (sokak, mosketoiak, espresak, zintak…).
Ratioa: gida 1/ 6 ikasle
Tokia: Nafarroa eta Pirinioak
Datak: Azaroa – apirila
Iraupena: 2 egun
Prezioa: 140 euro pertsonako. (BEZa barne)
